Җәйләр саен барып кайтам
Уфалардан Казанга,
Кара күзләрен талдырып
Сөйгәнем көтә анда.
Сөйгәнемнең кашы кара
Карлыгач канатыдай,
Сөйкемле сөякләре бар
Өзелеп яратырдай.
Уфа - Казан аралары
Ерак түгел йөргәнгә.
Ашкынып тора йөрәгем,
Сине якын күргәнгә.
Иркәм сагына Казанда,
Мин саргаям Уфада.
Күңелләребез гел бергә
Ара ерак булса да.
Уфа -Казан арасында
Йөрүе авыр янып,
Шуңа күрә сөйгәнемне
Кайтам Уфама алып.
Кара кашлы Казан кызын
Кайтам Уфама алып.

