Уфада Чакмагыш көннәре тантанасында Башкортостан телевидениесына биргән репортажында Айгөл медальләре авыр булуга зарланып алды. Менә бу соңгысы бигрәк авыр, диде ул. Авыр булмыйча, - Алтын ич ул. Һәм ниндие әле медальнең: дөнья чемпионатыныкы! Белегез безнекеләрне! Менә мин шушы уңайдан сиңа багышлап шигырь язып куйдым.
Медальләрем авыр диеп
Зарланма әле, Айгөл;
Алар авыр булган саен
Шатлана безнең күңел.
Медальләрнең иң авыры
Соңгы - алтыны, дидең;
Алтын авыр була инде,-
Ул - гади металл түгел.
Медаль алтын - теләкләрең
Алтындай саф булганга
Медаль авыр - аның өчен
Алтын тирең тамганга;
Медаль каты - ихтыярың
Корычтай нык булганга;
Медаль авыр - җиңү өчен
Авыр юллар узганга.
Дөньяларга яңгыраттың
Калмашбашның исемен,
Җиңүеңә горурлана
Барлык якташың синең.
Батыр, матур кызыбызга
Теләкләребез изге:
Алда тагын зур җиңүләр
Көтеп торсыннар сине.
Йөрәгең батыр булсын,
Даннарың артып торсын,
Сине җиңүләргә илткән
Юлларың такыр булсан.
Ихтыярың какшамасын,
Дәрт-дәрманың ташламасын,
Даның артсын, безгә кайтсын,
Медальләрең авырайсын!
Үзебез күтәрешербез!

