user_mobilelogo

Кар ишелә күктән, күрәсеңме?

Эзләр күмелә -  икәү салганнары,

Юллар күмелә -  икәү барганнары -

Явып бурый бүген, явып бурый.

 

Күмәргә дип җирне явалармы?

Күмеп китеп бөтен караларны,

Күмәм дипме бөтен яраларны ,

Явып бурый бүген, явып бурый.

 

Явып бурый бүген, явып бурый,

Ап – ак итеп бөтен дөньяларны,

Мамык кебек шушы йомшак карлар

Аералар безнең араларны.

 

Тып – тын калган дөнья, чү , эндәшмә!

Кар бөртеге әнә ничек уйный...

Ишетәсеңме, хисләр ничек таша –

Явып бурый бүген, явып бурый!